یو صهیونيسټي ليکوال وائي:ټرمپ د سولې د نوبل جايزې پر ځای د نسل‌وژنې جايزې وړ دی

ایکنا-   د دې خبرې په اړه چې ګواکې د امريکا ولسمشر ډونالډ ټرمپ ته به د سولې نوبل جايزه ورکړل شي، يوه صهیونيسټي ليکوال په غزه کې د واشنګټن په ملاتړ د جنايتونو په  دوام نيوکه وکړه او غوښتنه ئې وکړه چې ټرمپ دې د نړيوالې جنائي محکمې له خوا محاکمه شي.

یکنانیوز د پارس‌ټوډې له قوله راپور راکړ،د هاآرتص ليکوال «ګدعون لِوي» په يوه مقاله کې ليکلي:  ډونالډ ټرمپ د سولې د نوبل جايزې وړ نه دی؛ د هغه اصلي ځای په  هیګ کې نړيواله جنائي محکمه ده. هېڅ غير اسرائيلي شخص د غزې د وژنو په اړه د هغه په اندازه مسؤوليت نه لري. يوازې هغه کولای شي چې په يوه ټيليفوني اړيکه دا وحشتناکه جګړه ودروي، خو هغه دا کار نه کوي.

هغه زياته کړه: ټرمپ نه يوازې ټيليفون نه کوي، بلکې د اسرائيلو د جګړې د دوام  ملاتړ، وسله ورکول او مالي مرستو ته ئې دوام ورکوي، لکه هېڅ پېښه چې نه وي شوې. کله چې د ټرمپ نوم د سولې د نوبل جايزې سره تړل کيږي، نو حقيقت په بشپړه توګه چخڼي کيږي. که کومه جايزه وي چې مستحق ئې دی، هغه د نتنياهو او ټرمپ لپاره د نسل‌وژنې جايزه ده.

ګدعون لِوي دا هم وويل چې  يو مسلکي يهودي-امريکايي سياستوال او دنیواکګر  رژيم د سټراټيژيکو چارو وزير، ران درمر ، سپينه ماڼۍ او د امريکا ۱۶ استخباراتي ادارې وغولول شوې  او هغوي ئې قانع کړي چې «وينه تويېدل د امريکا لپاره يوه نعمت دی.» د هغه په وينا، د دغې دوکې  نتیجه  دا شوه چې ټرمپ د صهیونيسټي رژيم جګړه‌غوښتونکو تګلارو ته رواوالی  ورکړ او هڅه ئې وکړه چې د سولې نوبل جايزه ترلاسه کړي.

https://parstoday.ir/ps/news/west_asia-i164096